• slideshow_8
  • slideshow_1
  • slideshow_2
  • slideshow_3
  • slideshow_4
  • slideshow_5
  • slideshow_6
  • slideshow_7
  • slideshow_7
1 2 3 4
Js Slideshow by WOWSlider.com v4.1
កម្មវិធីចុះទស្សនកិច្ចសិក្សានៅក្នុងសហគមន៍របស់និសិ្សត ផ្នែកមហាវិទ្យាល័យវិទ្យាសាស្រ្តសុខាភិបាលនៃសាកលវិទ្យាល័យន័រតុន “ស្តីអំពីការអប់រំ និងលើកកម្ពស់សុខភាព”
កាលពីខែមិនា ឆ្នាំ២០១៤ នៃសាកលវិទ្យាល័យន័រតុន មាន កម្មវិធីចុះកម្មសិក្សាសម្រាប់ និសិ្សតផ្នែកមហាវិទ្យាល័យ វិទ្យាសាស្រ្ត សុខាភិបាល គិលានុបដ្ឋាកយិកា ឆ្មប និងបច្ចេកទេសមន្ទីពិសោធន៍ ក្រោមប្រធានបទស្តីអំពីការអប់រំ និង លើកកម្ពស់សុខភាពសហគមន៍របស់និសិ្សតផ្នែក គិលានុបដ្ឋាក-យិការ  ស្ថិតនៅក្នុងសាលាបុណ្យ ភូមិច្រកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង។ ។ ការចុះទស្សនកិច្ចសិក្សានេះ ក្នុងគោលបំណងផ្សព្វផ្សាយអប់រំ និងលើកកម្ពស់សុខភាពប្រជាជនតាមសហគមន៍។
	ក្រុមនិសិ្សតបានធ្វើការរៀបចំកន្លែងដែលត្រូវផ្សព្វផ្សាយប្រកបដោយរបៀបរៀបរយ និងមានសណ្តាប់ធ្នាប់ល្អ ដើម្បីងាយស្រួលដល់ក្រុមនិសិ្សតធ្វើការអប់រំ និងលើកកម្ពស់សុខភាពជូនដល់ប្រជាពលរដ្ឋ និងប្អូនៗកុមារ ដើម្បីទទួលបានចំណេះដឹងដែលទាក់ទងនឹងបញ្ហាសុខភាពដែលក្រុមនិសិ្សតបានលើកយកមកបង្ហាញ។
        ● និសិ្សតត្រូវបានបែងចែកនិសិ្សតជា៦ ក្រុមៈ 1.ក្រុមរៀបចំ សម្ភារៈ 2. ក្រុមបដិសណ្ឋារកិច្ច 3. ក្រុមផ្សព្វផ្សាយ 4. ក្រុមថតរូប 5. ក្រុមកត់ត្រា និង 6. ក្រុមអង្កេតការណ៍
        ● អប់រំត្រូវបានធ្វើឡើងនៅក្នុងសាលាបុណ្យមួយស្ថិតក្នុងភូមិ
        ● អោយអ្នកចូលរួមអង្គុយលើគ្រែ តុ និងលើផ្ទៃសាបផ្ទាល់
        ● ចងផ្ទាំងក្រណាត់ផ្សព្វផ្សាយ នឹងអប់រំនៅលើជញ្ជាំងខាងក្នុងសាលាបុណ្យ
        ● ចែកជូនក្រដាសផ្សព្វផ្សាយអប់រំជូនដល់ប្រជាពលរដ្ឋចូលរួម
	កម្មវិធីចុះទស្សនកិច្ចសិក្សា      ធ្វើនៅក្នុងទីតាំងដែលមានចម្ងាយ ផ្លូវប្រហែល៩០គីឡូម៉ែត ពីទីរួមខេត្តកំពង់ឆ្នាំ ផ្លូវចាក់កៅស៊ូ ភូមិស្ថិតនៅតំបន់ដាច់ស្រយាល ផ្ទះប្រជាជនមានចំនួន ៣៣៥ខ្នងសង់ដាច់ឆ្ងាយពីគ្នា ចំនួនគ្រួសារមាន ៣៥៥គ្រួសារ  ចំនួនប្រជាជនសរុបមាន ១៦៨១ នាក់។ ស្ថានភាពនៃការរស់នៅប្រជាជននៅក្នុងសហគមន៍ទាំងនោះគឺ ពុំមានទឹកស្អាតប្រើប្រាស់គឺ  ប្រើទឹកអណ្តូង  គ្រួសារនីមួយៗពុំមានបង្គន់អនាម័យ និងខ្វះចំណេះដឹងក្នុងការបន្ទោរបង់ មានអនាម័យ មណ្ឌលសុខភាពនៅឆ្ងាយពីភូមិ ប្រកបរបរធ្វើស្រែ ភាគច្រើនមានជីវភាពក្រីក្រ

	កិច្ចចាប់ផ្តើមដំបូងក្រុមយើងខ្ញុំបានចាត់តាំងនិសិ្សតប្រុសស្រីចំនួន៥នាក់ ដើម្បីឡើងសំណេះសំណាល ណែនាំខ្លួននឹងធ្វើការអប់រំ ដល់ប្រជាជន។ បន្ទាប់មក និសិ្សតធ្វើការណែនាំអំពីគោលបំណងការអប់រំ និងការលើកកម្ពស់សុខភាពសហគមន៍ គឺដើម្បីអោយប្រជាជនដែលរស់នៅក្នុងសហគមន៍ មានការយល់ដឹងខ្ពស់អំពីបញ្ហាសុខភាព ការរស់នៅប្រកបដោយអនាម័យ ហូបស្អាត ផឹកស្អាត និងការបន្ទោរបង់អោយបានត្រឹមត្រូវ។
មូលហេតុ និងផលប៉ះពាល់នៃជម្ងឺរាគរុះ
ការបន្ទោរបង់មិនបានត្រឹមត្រូវៈ 
	ការបន្ទោរបង់មិនបានត្រឹមត្រូវ គឺជាការបន្ទោរបង់ពាសវាល ពាសកាល បន្ទោរបង់តាមគុម្ពោតព្រៃ   បន្ទោរបង់ក្នុងបរិវេណផ្ទះ និងបន្ទោរបង់ក្បែរប្រភពទឹក ឬបន្ទោរបង់ដាក់ប្រភេទទឹកដូចជា អណ្តូងទឹក ស្រះទឹក ទន្លេបឹងបួរជាដើម ។ល។
ប្រភពនៃការចម្លងរោគៈ 
	ភ្នាក់ងារចម្លងរោគ ភ្នាក់ងារចម្លងរោគមានដូចជា មនុស្ស សត្វចញ្ចឹមជ្រូក ឆ្កែ មាន់ ទា... ជាពិសេសភ្នាក់ងារដែលចម្លងរោគចំបងជាងគេគឺ រុយ។
ការបរិភោគអាហារគ្មានអនាម័យៈ 
	ការបរិភោគអាហារគ្មានអនាម័យ ដូចជា បរិភោគត្រីសាច់ចំអិន មិនបានឆ្អិនល្អ ការបរិភោគបន្លែ ផ្លែឈើឆៅ និងលាងសំអាតមិនបានល្អ អាហារគ្របមិនបានជិតល្អ ដែលជាហេតុបង្កអោយមានជម្ងឺរាគរុស។
	ការបង្កា និងការការពារជម្ងឺផ្សេងៗ
ការប្រើប្រាស់ និងបរិភោគទឹកស្អាត
	ទឹកត្រូវដាំអោយពុះមុននឹងបរិភោគ។ មិនត្រូវបរិភោគទឹកស្រះ   ត្រពាំង ទន្លេ បឹងបួរដែលមិនបានចម្អិនបានត្រឹមត្រូវ        និងត្រូវបរិភោគទឹកចម្រោះ បើមានលទ្ធភាពប្រើធុងចម្រោះទឹកស្អាតកាន់តែប្រសើរ។
ការលាងសំអាតដៃបានស្អាតល្អ ការបន្ទោរបង់បានត្រឹមត្រូវ
	ត្រូវលាងសម្អាតដៃនឹងសាប៊ូ  អោយបានស្អាតល្អជាប្រចាំមុននឹងក្រោយបរិភោគអាហារ ព្រមទាំងមុននឹងក្រោយប៉ះពាល់របស់ប្រើប្រាស់ក្នុងផ្ទះបាយ។
	មិនត្រូវបន្ទោរបង់ពាសវាលពាសកាល។
NUnews >>
Calendar | Contact Us